وش أسوي.............

ويش أسوي لا طريق و لا خوي
لا قرار و لا خيـار و لا مصيـر




الليالـي تلـوي ذراعـي لـوي
و الرفيق السيف يغريه الجفيـر


و الضياع بسكتـي يـدوي دوي
أتصفـق لا سـراب و لا غديـر


أطوي الظلما و عيـت تنطـوي
و إشتهيت الشوف بعيون الضرير


مثل طير(ن) طاح بيديـن بـدوي
يلعن الطيحة و لا يقوى المطيـر


كل يـوم أقـول باكـر تستـوي
وخاب ظني بالزمان و بالنصيـر


كنت أنا الصدر الحنون المحتوي
و كنت أنا لإحساسهم سلك الحرير


و صرت أنا هاك النحيل المنطوي
تلهث أنفاسي ورا حلم(ن) كبيـر


ضاعت الحيلات حيـل الله قـوي
لانـي الأول و لا أظـن الأخيـر


قلت بأصرخ و آخر علاجي كوي
وصلت الحلقوم و الخاطر كسيـر


من شرب من كف غيره ما روي
لعنبو كف(ن) على المده قصيـر


لا تعاتب ويش أسوي يـا خـوي
لا قرار و لا خيـار و لا مصيـر

كشكورررررررررررر