الطريق الى الشهرة
أهلا بك أخي الفاضل
يسعد منتدانا باستقبال من هم بمثل شخصك
ليكون مميزاً بين المميزين وأنت لها
فأهلا بك في منتدى الطريق الى الشهرة الذي يتشرف بمن هو مميز
هذا وتقبل تحياتنا وتقديرنا

الطريق الى الشهرة

 
الرئيسيةس .و .جبحـثالمجموعاتالتسجيلدخول

شاطر | 
 

 مجموعة من الاغاني الشعبية

اذهب الى الأسفل 
كاتب الموضوعرسالة
jeŋẾŗÄĺ ŜŲŀłmÄŅ



سبحان الله و بحمده سبحان الله العظيم



نقاط : 3699
تاريخ التسجيل : 28/02/2011
العمر : 26
الموقع : اللهم يارب كثرت ذنوبي فهدني الى طريق الصواب
المزاج : ســعــيــد جــداََ

مُساهمةموضوع: مجموعة من الاغاني الشعبية   السبت أبريل 02, 2011 12:55 pm


-أبحرت بعيونك-

أبحرت بعيونك ادور حياتــــي *** لعلي القى ما مضى ليمن أيـام
لا كن في بحرك ضاع مركب نجاتي *** صارت حقيقة حبنا حلم وأوهـام
ظلم(ن) جرحتيني وحطمتي ذاتـي *** وطعنتي إخلاصي من الشك بسهـام
طردتي من ليلي لذيذ المباتـي *** تسهر عيوني وحولي الناس نيام
من عقلي ضاعت حيلتي والثباتي *** مكنتي جرحك داخل القلب بحكام
جودي بحنانك قبل ساعت مماتـي *** مابي بحبك يلحق الوم لواااام
كلمت رضى بصوتك هناي وغناتـي *** همس السعاده دافي الحن رنـام



-أجل رحيلك-

أجل رحيلك بالسفر لا تعجـــــل *** قلب العنى توه بعد مهتنى بــك
إسمح لي في ليلة لقى قبل ترحل *** أعيش في ذكراه مدة غيابـــــك
أغشى مع الايام عني تبــــــدل *** ويجفي هبوب الهجر من غير بابك
احساسك بحبي لغيري تحــــــول *** مثل الربيع اشتاق وناطر سحابك
أيا عديل الروح تكفى تجمــــل *** لا تطول بفرقاك يسلم شبابــــك
لا تجعل ادموعي على الخد همــل *** تجرح خفوق(ن) بالمحبه شقى بـك

-إرحلي--((عزف ولحن خيالي خزين))


إرحلي بسكات وخلي دمعتــي *** مع حنيني كنتي أحلى الذكريــات
إنشراح البال وفرحت مهجتي *** ياعبير الورد ياعيون المهـــات
مقدر أخفي في وداعك عبرتي *** لهفتي تفضحني يازين الصفــــات
حتى لو جت نظرتك في نظرتي *** ينكشف امري بترديد الآهــــــات
ما بقى لي غير همي ولوعتي *** مقدر أنسى وحالي ما هي والنجات
هذا حظي يا حبيبي وقسمتـي *** الندم مايفيد من بعد الفـــوات
______________________________________________

-أسئل عيون الليل-

أسئل عيون اليل وش حالي من حــال *** في غيبتك يابو الثمان المراهيــف
حال(ن) على كف الغرابيل من شــال *** تلعب به أمواجك بعيد(ن) عن السيف
ما قوى على فرقاك ياطيب الفـــال *** لا من ذكرتك صابني اهبال وتخريــف
عجزت اسلي خاطري عنك والبـــــال *** والنفس في نسياك ماهي على الكيـف
أمسح دموعي كل ماشفت عـــــــذال *** واثري أثر حبك على الحال قد شيـف
قالوا لي صبرك يافتى ليا متى طال *** قلت اتركوني لجله الموت تشريـــف
______________________________________________

-البارحه-
البارحه في تالي الليل ونيـــت *** ونيت من هم(ن) تهيض بصــــــدري
سكبت دمعي من عيوني لا كن ازريت *** احجز دموع(ن) من عنى القلب تجري
ليلي طويل(ن) يا عرب ماتهنيــت *** هم(ن) يصدربي وهم (ن) يحــــدري
واصبح علي الصبح أنا نوح ممسيت *** أجاذب الونات وامشي واهـــــذري
من لوعت الحرمان ياناس قاسيــت *** أساهر أنجوم السما لين تســــري
أصبحت أنا لاني بحي(ن) ولا ميــت *** أسباب منهو بيتلذذ بهجـــــــري
______________________________________________

-العين ماتذرف الدمعات-

العين ماتذرف الدمعات معيوفـــه *** ماترخص الدمع لا بأول ولا تالـي
لو خفت الدمع عينه غصب(ن) يشوفه *** والنار لو غاب نوره دخنت عالي
مابه رمد ماتهل الدمع مطروفـــه *** لا شك غصب(ن) تهله من عنى حالي
عزاه من عيني يالي دوم مليوفــه *** عافت لذيذ المنام وخاطري خالي


----------------


لليل شاب وبين الصبح نـــوره *** وأنا عيوني ساهره عافت النــوم
أبكي وليف(ن) شط عنه بـــدوره *** غاب وتركني بين لوعات وهمـــوم
سهر عيوني وراح يبني ســـروره *** يضحك لا شافن حزين(ن) ومضيـــوم
خلي تكبر والسبايب غـــــروره *** أنا أشهد إنه ميت الحس معــدوم
باهي عنيد الراي في بعض أموره *** وبحاجبه موت المحبين مرســــوم
حطم فؤادي مادرى عن شعــــوره *** وضح العزى عنده مراسيم وهــدوم
لا جيت أحدد موعد(ن) لجل أزوره *** ثار وزعل والعذر به غير مـلزوم
غلطان يالي صرت خلي تــــزوره *** غلطان لا تحكم بشي(ن) جرى اليوم
الحب بالتقدير تنمى زهــــوره *** يرضى ولا يسمع به العذل واللـوم
__________________________________________________ ___

-الود ودي-
الـود ودي ماتفـارق دقيـقــه *** عن ناظري لا شك منتا بطـــوعي
قلبي الى من غبت صابته ضيقـه *** ومن كثر شوقي لك تنثر دموعـي
اغليك أدري انك تعرف الحقيقه *** لكن تظن انه هـداوة طبوعـــي
جفاك صعب ومهجتي ماتطيقــــه *** ارفق بحال(ن) له فؤادك قنوعي
داو الجروح انك تعرف الطريقه *** لاتصير مع مغليك قاسي قطوعــي
__________________________________________________ ___

-جفت دموع العين-

جفت دموع العين من كثر مبكيـــك *** والنوم عيني من فراقك جفاهـــا
قاسي ظروفي ابعدتني وانا ابيــك *** ارجي عسى الفرقى تطير بمداهــا
ياصاحبي لا تختلف هقوتي فيـــــك *** لا لا يغير بعدنا في صفاهــــــا
ياكود فرقا صاحب(ن) لك مصافيــك *** من جربه ياناس يشكي عناهـــــا
كانك سعيد(ن) ياعشيري اهنيــــك *** جعل الليالي لك تجود بهناهـــا
تستاهل التقدير بالروح أنا فديك *** تفداك روحي يا غلاي ومناهـــــا
يا قلبي سعدني وحقق امانيـــــك *** واتحمل القسوه تقطف جناهـــــا
واسعد مع الي عن همومك يسليـــك *** وإنسى الهموم وما مضى من شقاها
__________________________________________________ ___


-حسايف-

حسايف صار هرجي لك نظر *** حسايف يا حسايف يا حسايف
غدر بي قلبي الطيب غدر *** تولع في عيونك يا حسايف
تغير يوم شفتك ما انتظر *** تغير ليه صار القلب خايف
لجى لك باعدك كل البشر *** فرح بك يا بعد كل الولايف
تولع صار شوقه لك بحر *** همس لك و أنظر رد الشفايف
تعذب كن وقفاته شهر *** تجرح وش منع زين الوصايف
.قريبك وأرعد بقلبي رعد *** قريبك يا حسايف يا حسايف

__________________________________________________ ___
خلاص من حبك-
خلاص من حبك-
خلاص من حبك ترى خاطري طاب *** هدمت يالمغرور حبك من الساس
حبك تغير قلنا ويش الاسباب *** والإ سمعت الي حكو فيه الانجاس
تلعب على الحبلين ماتحسب احساب *** والي من اجلك بين هم(ن) وهوجاس
تضحك يابو وجهين وأثريك كذاب *** خليت منهو من سبايبك محتاس
خساره أيام(ن) حسبتك للاقراب *** من شان حبك عفت أنا اقرب الناس
أيا عديم الذوق أنكرت الاحباب *** خدعت من قلبه رقيق(ن) وحساس
كنت احسبك وافي وأثريك نصاب *** خاين عهد غدار معدوم الاحساس
__________________________________________________ ___
-لاتأسف-

لاتأسف كل حزنك مايفيد *** لا تضيع وقتنا الغالي سدى
لا تذل النفس يا عنق الفريد *** دوك روحي من أجل ذلك فدى
يوم شفت بوجنتك دمع(ن) يزيد *** كنها ورده وغاشيها ندى
إبتديت أحس بإحساس(ن) جديد *** تو حبي ياحبيبي لك بدى
يوم شفت بدمعتك حزن(ن) اكيد *** كل جرحي منك بالدمعه غدى
وانغمزت بنشوة الحب الجديد *** واسمع الخفاق بافراحه شذى
وابتدى قلبي باشواقه يبيد *** كن جرحي منك بركان وهدى
حبي الي مستحيل انه يبيد *** مثل نور الشمس في بعد المدى
كن حبك غنوت(ن) قلبي يعيد *** كل انغامه ودقاته صدى
__________________________________________________ ___

-مافيه داعي-

مافيه داعي تسكب الدمع يازين *** قلبي عليل وزاده الدمع عله
تشفق على قلب(ن) عليل(ن) ومسكين *** حرام تصلى ضامري فوق مله
بسهوم عينك يالقضي لي ترمين *** والحب من قلبك لقلبي تشله
وذاء نويت البعد يا قرت العين *** فرقاك ياروحي لروحي تسله
كان انت عايفني ولا انت بباغين *** قلب(ن) ملكته رجعه في محله
__________________________________________________ ___

مزع خطاباتي-
مزع خطاباتي ولا عاد لي فيك *** رجع لي الصوره وما بيننا راح
لا عاد تذكرني ولا نا بباغيك *** الحب جد ولا تحسب إنه مزاح
يكفي شبابي راح كله وانا ارجيك *** وتكفي دموع العين من بعد الافراح
أرجوك تنساني وتنسى لياليك *** خلني اعيش الي بقالي وارتاح
ومن أول(ن) اسهر بليلي أناجيك *** وارعى نجوم الليل واقول ليا صاح
واليوم عفت واعرف اني مجافيك *** خلاص يالمغرور حبك ترى راح


هذا الوفا-

هذا الوفا وانتا تشوفه بعينك *** ضحيت من شانك وحاربت الاذنين
سلوا سيوف الهجر بينى وبينك *** لكن سيوف الحب تضرب بحدين
الله على ماجال منهم يعينك *** وانا معك صابر على الزين والشين
مملوك فى حبك ومغرم بزينك *** واقنع بما جاء منك يانظرت العين
اهم شي راضي بزينك وشينك *** والزين كله فيك ما يوجد الشين
__________________________________________________ ___
....خلها بالقب...

خلها في القلب تحرق مابقى
عادتي مشكي على غيري عناي
كل واحد من عناء الدنيا لقى
مشغله والحب هو سبه بلاه
يوم راح اللي معه قلبي هقا
اكمل احزاني وفي قربه هناي
اكمل المشوار انا ويا الشقاء
وانسحب في صمت والذكرى عزاي
يكفي ان الحب في قلبه رقى
مثل ماحبه تمكن في حشاي
لو زمان با لهناء عاد وسقي
. قلبي العطشان مايروي ضماي
لو عطاني من ماء عينه مابقى
ماتساوي ضحكت الغالي معاي


دارت الايام
دارت الأيـام وجتنـي بالنكـد"
"والسماء الصافي يتلبد بالغيـوم
شالـت الغالـي ولاعنـد أحـد"
"غربتي سكانهـا كثـر الهمـوم
سافرت بي من بساتين السعـد"
"رحلتي حتى نسايمهـا سمـوم
لين حل الليل في صـدري قعـد"
"هاجسي لاحل بي مقـوى أقـوم
وأبتدت شمس الضحى صابا رمد"
"ناظري عقب الغضي ماله لزوم
كل ماذكربسمتـه مابـي جلـد"
"افضح المكتوم واشـق الهـدوم
وعسـى الله مايفرقـنـا أبــد"
"والمحبـه بيننـا جعلـه تـدوم

عزاه ياقلب من البعد
عزاه ياقلـبي من البعــد عزاه"="عزاه طول اللـيل ابـكي وليفي
ابكي وأنا اللي جرحتني خـطاياه"="والدمع دايم من عيوني ذريفي
أنا أشهد أني دايم الفكر مانساه"="هو ربـيع الـعمر وهو خـريفي
يانـور عـيني ياحـياتي ومعـناه"="يابـارقا بالوسـم يوحي بـحنيني
عـيني جفاه النوم ياكـود فرقاه"="وأنا الذي لاجله بشوف كـفيفي


عين المهاء
عين المهاء كف الـنظر لي بتحذير"="مقدر أحوش العين دونك نظرها
يافاتن الأوصاف سمح الـــتعابير"="جنبني عن جور اللـيالي وكدرها
أرجوك لاتجعل حياتي مــــخاطير"="مادام سلطان الــهوى لك أسرها
من طلعتك سـود اللــيالي مسافير"="لابان به نـــورك تخفي قــمرها
الله بلاني بحب ســود محـــاوير"="سلمت لك قلبي وأنا أعـرف خطرها
ملكتني بالحب يالله عــــساه خير"="هذا نصيب الــنفس وهذا قـدرها

لاخان ودك من تعزه
لاخان ودك من تعزه على الروح"="معذور لو صديت عن باقي الناس
شخصا معك يمشي لغاية ومصلوح"="ان جاه غيرك باح سرك على الناس
ياقلبي لا تخدعك ضحكات ومزوح"="بيع الذي باعوك واعمل كما الناس
يمضي عليا اليوم يوم اني اروح"="القاه ويلقاني خفيه على الناس
لا كل من يعشق تعود على النوح"="ولا كل من خانه عشيره جفاء الناس

طيف الأحزان
ياما سهرت الليل في طيف الأحزان *** أجاذب الونات واشكي حنيني
أخشى العواذل كاتم السر ما بان *** دنياي مابه من يهدي انييني
ماغير شوفت صافي الخد فتان *** لجله قضى عمري وقفت سنيني
مثل القمر خده بدجى الليل لا بان *** أنا أشهد إني في غرامه سجيني
زهرة نمت في روضت(ن) وسط بستان *** ياما حرقت قلبي عسى الله يعيني
صدفه التقينا بين خضره و وديان *** يابو عزيز اخشى الغظي ما يبيني
أنا أشهد إنه صابني سهم الأعيان *** صدفه التقينا والعرب غافليني

عند الوداع
عند الوداع اقفيت عني ولا جيت *** تركتني تايه ولاهي بيدينا
نويت أصارحكم ولا كن تماديت *** أبغى الصراحه منك تظهر علينا
لك منزل(ن) في داخل القلب حطيت *** ما قبلكم احد(ن) بحبه حظينا
يشهد ظميري كم من أجلك تعنيت *** فرقاك يالمجمول صعبه علينا

عنك أنا أبعدت
عنك أنا أبعدت ماهي رغبت(ن) في جفاك *** لا كن أخشى عليكم من كلام العذول
مابي الناس في عين الملا ما تراك *** مابي الناس شي(ن) يحكي عنك ويقول
حتى لو غاب جسمي عنك قلبي معاك *** يا عيوني خيالك دايم(ن) مايزول
يا هنا الروح روحي في المحبه فداك *** بيننا غير فرقاها أبد مايحول
لا تظن إن قلبي في رحيلي نساك *** غيرك من البشر ماله بقلبي نزول
يالذي في طبعه رقه وحسنه ملاك *** عن طريق الوفى بالحب ماله يحول

على طبيب الهوى
على طبيب الهوى يا ناس دلوني *** تجملوا جمل الله حالكم فيه
تجملوا يا هل المعروف ودوني *** إن كان مايقدر(ن) على المشي رجليه
بس أوصلوني هوى بالي وخلوني *** أموت عنده ولا برض(ن) خلاويه
يا عارفين الموده لا تلوموني *** البال مشغول و عيوني شقاويه
مهما تقولون وش ما تقولوني *** أحبه و النفس مأموره ومنهيه
إن قلت ودام أنا قد باح مكنوني *** أنا أشهد إن هذي بلوه سماويه


عن عيوني
عن عيوني ناعس الطرف اختفى *** وابتدى عمري مشاوير الضياع
كل نور(ن) من بعد نوره طفى *** لا اشرقت شمس(ن) ولا بين شعاع
ماقصد في غيبته خلي جفى *** لا كن الأقدار سلطانه مطاع
يوم حظي خانني بحب وخفى *** المواصل بيننا صار أنقطاع
حبنا رمز التسامح والوفى *** كل شي(ن) بيننا تم بإقتناع


في وحدتي حسيت
في وحدتي حسيت في صفوت البال ***وابديت اعبر عن هموم(ن) خفيه
يومي فقدت الي لهم اشكي الحال *** وليا ضاقت الدنيا يروفون فيه
صبرت لا كن شف أنا الصبر ذي طال *** ولا لقيت الي يشفق عليه
سكبت دمع(ن) فوق الأوجان سيال *** لعلي دمعي يجلب السعد ليه
لا كن خساره ما بغى القلب ما نال *** خلي يوردني لحوض المنيه
احسبه يهواني واثريه محتال *** و أنا الذي مغليه عن حسن نيه
قلبي طري لا هاب فيه الهوى مال *** واحسب قلوب الناس كلها طريه
لا وآ حسافه يوم كذبت من قال *** كل من ضحك لجلك نفسه وفيه

في وداعك
في وداعك صدقي عيت خطاي *** لا تحرك في مكاني وقفت
ما قدرت امشي وخليكي وراي *** ماقدرت امشي ورجلك ما خطت
واستباحت دمعتك من الي عناي *** تحكي احزاني و هي عني حكت
دمعت النجلة تعزي في هواي *** بس روحي عن هواها ما عزت
اليالي السود سودها اساي *** والغيوم أعيوني باحزاني حكت
ماشكيت الصبر في ياسي ورجاي *** والليالي من كثر صبري شكت

فراقك حان
فراقك حان ومالي غيردمعي *** أسلي خاطري به و اتصبر
الا ياليت تجي وتشوف وضعي *** على ماصابني الله واكبر
جميع الخلق مايقوون منعي *** بعد فرقاك ماضنيت أنا اصبر
الا ياليت للحب حكم شرعي *** عشان إني في دعواي مجبر
على بعدك ولا غيرت طبعي *** اضيق ليا ذكرتك وا تعبر

قلي متى نرجع لدنيا الهوى
قلي متى نرجع لدنيا الهوى قول *** قلي متى تسعد بشوفك أعيوني
هذا السهر أصبح رفيقي على طول *** ومن أول(ن) ماكان يعرف أعيوني
طبعك غريب(ن) بس رضيناه ومقبول *** منك الجفى والدمع جرح أعيوني
من شاف حالي قال ياحول مخذول *** وأنا دمر حالي هواك وأعيوني
إنت الحبيب الي احبه على طول *** وانت الذي يسكن في داخل اعيوني
لا تفتكر إني ابنساك معقول *** أنسى هوى عمري وبهجة أعيوني


سراب الصيف
يا سراب الصيف ماتروي ضماي *** ماتبل الريق دامنك سراب
في طريق الشوق عجلات(ن) خطاي *** في مسار الدرب يجزاني عتاب
حارم(ن) عطفه وهجرانه جزاي *** لو رفعت الصوت ما رد الجواب
ما هقيته فيه خيب لي رجاي *** الأمل عقب الرجى بالشوق خاب
ياسحابت صيف مرت في سماي *** لو تبي تمطر مهي مثل السحاب
تمطر الحرمان وينبت به شقاي *** وناشب القلب في سن الشباب
يرخص العله ولا يرخص دواي *** يبخل بوصل وجوده بالغياب
معلن(ن) هجره ولا وضح خطاي *** وكل ما يبغاه هو عين الصواب
يتضح شوقي وحرماني وعناي *** ويتضح هجره وصده والعذاب

سامحيني
سامحيني و الزعل ماله لزوم *** امسحي الدمعه عن الخد الحزين
سامحيني يا قمر بين النجوم *** واعصميني وارحميني من الونين
في وسط قلبي لكم حب(ن) يدوم *** بس إنتي عن غر*** خبرين
راحت ايام الحزن ويا الهموم *** يوم شفتك يالحبيبه تناظرين
شوفي قلبي من سببكم يالظلوم *** دايم(ن) مجروح وإنتي تجرحين
المحبه طبعها طبع(ن) رحوم *** بس قلبك قاسين عيى يلين

ساعة الليل
ساعة الليل من غير اللقا بك دهر *** ما تحمل ثوانيها طوال(ن)عراض
الهواجيس تلعبي واعيش بقهر *** واتصبر الان الحب ما يستعاض
لك محل(ن) في قلبي مع سنيني كبر *** لا تذكر لك دمعي تحدر وفاض
ياغزال(ن) إنبها بالحلى وأشتهر *** أشعل الضي نوره مع شديدالبياض
يوم حزنك لعيني ياحياتي بهر *** داعي الحب برقه داخل القلب هاض
والخدود الرقيقه لين ورده ظهر *** تحسب إنه بها الروض من أبهاالرياض
صرت مركب بلا مجداف وسط البحر *** يلعب الموج به عقب الفلاوالفياض
مقدر اوصل لشاطي وصلنا يا قمر *** آه عزي لقلب(ن) لاذكرك استاهاض
الله الي كتب لي في سطور القدر *** وما كتبه الولي مالي عليه عتراض
حالتي منك يبراها كثير السهر *** وآ هني الذي مع وادي الحب فاض


سافري
سافري خلي حبيبك ينجرح *** دوري حظك ترى حظي عثر
بددي حزنك بتجديد الحبيب *** وإنسي الي بي من الدنيا قهر
خوذي أوراقك وباقي عبرتك *** وإسحبي يمناك عن كف القدر
اهني العشرة ولو قلبك وفي *** واتركيني انتحب وابكي دهر
ما أحتمل شوفت عيوني تطلبك *** ودها تلقالي موسمها مطر
سافري يمكن ليا طال السفر *** ينتهي حزنك وحزني لو كبر

صممت أسافر
صممت أسافر بس ما هو برضايه *** نويت أنا المرواح وخليت الأحباب
غصب(ن) علي ماني بدور عنايه *** ودعت أنا الأحباب والدمع سكاب
فرقاك يالغالي تكدر سمايه *** وقربك ينسيني القرايب والأصحاب
بعدك صعيب(ن) يا منايه وشقايه *** وشلون ابصبر عنك والقب منصاب
عسى الغلا وياك ماله نهايه *** من حب غيري يالغظي صافي مقطاب
ليت القدر يا زين يسمع ندايه *** يوم الملا يعيوني مغليك ما طاب


طيف المسرات
لجف دمعي وشفت طيف المسرات *** استبشرت نفسي بقدوم السلامه
تجيني باخبار(ن) بها اهموم ولوعات *** ترسم على حالي بشقاهاعلامه
أحكي عذابي للمخاليق عبرات *** والقى العزى منهم عتاب و ملامه
يا ما عليك الليل يسرقني دمعات *** ليل(ن) سهر عيني مناه ومرامه
يقول نومك لحظة(ن) ماهو ساعات *** حرم على عينك حبيبك منامه
لا تظلميني يكفي هم(ن) مضى فات *** ياما حمله القلب واخفاه يامه
غيرك يقول ليا نظرني سلامات *** وإنتا على حالي امرت بحطامه


منيت القلب
منيت القلب وغايه مرادي"="زاد شوقي لربعي والاحباب
والسمر طاب والشوق غلاب

سال دمعي وانهمر فوق خدي"="من طواري الاحبه والاصحاب
والسمر طاب والشوق غلاب

للاحبه محل في فؤادي"="تجمع الشمل يارب الارباب
والسمر طاب والشوق غلاب

لا تنشدوني
لا تنشدوني ياهلى ليه ونيت"="هما(ن)بقلبي ماحسبتوا حسابه
يابوي انا في مرقدي ماتهنيت"="ماذقت طعم الزاد وياشرابه
انا مريض وتحسبوني تشافيت"="والعين من كثر الهماليل ذايبه
الباب مابي واحد الاتحريت"="جاه المرض وادواه بول شبابه
اللي من اسبابه من الناس مليت"="جرح بقلبي تراه تجدد صوابه
الله يشافي اللي من اجله تعنيت"="من شان حبه عفت كل القرابه
اللي لا شافن مع الباب دشيت"="يفز قلبه ويبتسملي يهلابه
ليته يطيب لسالف الناس هليت"="وابعدت هما(ن)والحزن في سرابه
والخاتمه رجواي من والي البيت"="انه يخفف عن حياتي عذابه



الرجوع الى أعلى الصفحة اذهب الى الأسفل
العاشق الصامت

avatar



نقاط : 4227
تاريخ التسجيل : 21/02/2011
العمر : 27
الموقع : لا اعلم
المزاج : رايـــــــــــــــــــــــــــــــــــــق

مُساهمةموضوع: رد: مجموعة من الاغاني الشعبية   السبت أبريل 02, 2011 2:28 pm

مشكوررررررر

_________________
رأيتُ الذنوبَ تُميتُ القلوبَ ويتبعها الذلُ إدمانها
وتركُ الذنوبِ حياةُ القلوبِ وخيرٌ لنفسك عصيانها
الرجوع الى أعلى الصفحة اذهب الى الأسفل
 
مجموعة من الاغاني الشعبية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الطريق الى الشهرة :: المنتدى الرئيسي :: الشعر-
انتقل الى: